2010-07-26 13:18:26

Վատիկանի Ձայնասփիւռի Տնօրէն Հայր ֆետերիքօ Լոմպարտիի շաբաթական խմբագրականը ''Քահանայապետի արձակուրդները'' նիւթին մասին։


Վատիկանի Ձայնասփիւռի Տնօրէն Հայր ֆետերիքօ Լոմպարտիի շաբաթական խմբագրականը ''Քահանայապետի արձակուրդները'' նիւթին մասին։



Հայր ֆետերիքօ Լոմպարտին այս շաբթուայ իր խմբագրականին մէջ կ'անդրադառնայ թէ ''Սրբազան Քահանայապը ինչպէս կ'անցնէ իր արձակուրդը''։ Մի քանի օրէ ի վեր, կը գրէ Հայր Լոմպարտին, Նորին Սրբութիւնը սկսած է պատրաստել ''Յիսուսի'' նուիրուած իր երրորդ ձեռագիր հատորը։ Անցեալ ամիսներուն Սրբազան Քահանայապետը արդէն յանձնած էր երկրորդ հատորի ձեռագիրը նուիրուած '' չարչարանքի եւ յարութեան'' եւ որուն զանազան լեզուներով թարգմանութիւնները կը պատրաստուին յառաջիկայ գարնան հրատարակութեան նախատեսութեամբ։ Սրբազան Քահանայապետը այժմ կ'աշխատի երրորդ հատորին որ նուիրուած է ''մանկութեան աւետարաններու''։

Միքանի օր առաջ տեսնելով Նորին Սրբութիւնը Գասդելկանտոլֆոյի Կիրակնօրեայ Հրեշտակ Տեարն Աղօթքի պահուն ակնյայտ դարձաւ բոլորին թէ ինչպէս վերագտած էր իր ժպիտը եւ հանգիստը եւ ահա այժմ մեծ եռանդով իր այս հանգստեան օրերը կը նուիրէ ընթերցումի եւ ուսման աւարտելու նպատակով ''Յիսուսի'' նուիրուած իր ամբողջական աշխատասիրութիւնը որ միքանի տարի առաջ, տակաւին կարտինալ, սկսած էր։



Առաջին հատորին նախաբանի մէջ Սրբազան Քահանայապետը կը յիշէ թէ ինչպէս այս ծրագիրը սկիզբ առած էր ''2003ի արձակուրդի շրջանին'' եւ 2004ի 1-4 օգոստոսին վերջնական ձեւաւորում ունեցած էր։ Նորին Սրբութիւնը անդրադարձած էր նաեւ թէ ''իր քահանայապետական ընտրութենէն ետք ամէն ազատ պահերը գործածած էր յառաջ տանելու այս աշխատանքը։''



''Աստուծոյ Խօսքին'' նուիրուած Եպիսկոպոսներու Սինոտի ընթացքին' կարեւոր ակնարկումներ եղան ''սրբազան քահանայապետի այս աշխատասիրութեան կարեւորութեան մասին որպես Աստուածաբանական եւ հոգեւոր ընթերցումի օրինակ եւ որպէս հաւատացեալներու ուղեգիծ հանդիպելու Յիսուսի, աւետարանի միջոցաւ։ ''իրական Յիսուսը, բարին բուն իմաստով ''պատմական'' Յիսուսը'' կը հաստատէ Սրբազան Քահանայապետը։ Հաւատացեալներու առիթ տալ ''Հանդպելու Յիսուսի'' ահա այս է Սուրբ Պետրոսի յաջորդին' Պենետիկտոս Սրբազան Քահանայապետի ''արձակուրթի'' գործունէութեան խորագոյն նպատակը կ'եզրափակէ իր խմբագրականը Հայր Լոմպարտին աւելցնելով բարի արձակուրդի մաղթանքը Սրաբազան Հօր։








All the contents on this site are copyrighted ©.