Сант”яга дэ Кампастэла ( Гішпанія): галоўныя ўрачыстасці ў гонар Святога Апостала
Якуба
У гэтым годзе ўспамін Патрона Гішпаніі меў асаблівы характар з прычыны Святога Году
Сант”яга дэ Кампастэла. Ён адзначаецца тады, калі свята Апостала Якуба прыпадае ў
нядзелю. Урачыстасці ў гонар святога апекуна Гішпаніі пачаліся ўжо ў суботу вечарам
24-га ліпеня, а ў нядзелю 25-га ліпеня ўрачыстай Святой Імшы старшынстваваў арцыбіскуп
Хуан Барыё. Па традыцыі, якая сягае 1643-га года, падчас Святога Году Якуба спецыяльную
ахвяру ў імені ўсёй нацыі складае Апосталу кіраўнік Гішпаніі. Кароль Хуан Карлас
папрасіў Святога Якуба, каб “прасвятляў палітычныя, эканамічныя і сацыяльныя ўлады
краіны, каб шчодра служылі агульнаму дабру, спрыялі ўмацаванню адзінства і ўзаемазразумення
паміж усімі”. Акрамя таго ён папрасіў, каб Апостал дапамог выйсці, як мага хутчэй,
Гішпаніі з эканамічнага крызісу, які прынёс “сур”ёзныя наступствы для мільёнаў асоб
і іхнім сем”ям” ды асабліва для маладых людзей. Арцыбіскуп Сант!яга дэ Кампастэля
ў сваім казанні заклікаў вернікаў, каб былі сведкамі веры і надзеі: “Сёння хрысціянская
супольнасць мусіць гаварыць аб надзеі, але таксама ёсць ведзена ў пустыню, каб мець
магчымасць бачыць у чым мае свой давер”. Арцыбіскуп даручыў Святому Якубу паломніцтва
Папы Бэнэдыкта 16 да гробу гэтага Святога, якое адбудзецца ў лістападзе гэтага года.