24 ліпеня 1925 Бюро ЦК КПБ выпусьціла пастанову з наступнае нагоды: «Лічыць неабходным
выкараняць з ужываньня ў беларускай мове слова „жыд“ і замяніць яго словам „яўрэй“».
Менавіта ад гэтай пастановы і пачалося ўжываньне ў беларускай мове пазычанага з расейскай
слова «яўрэй». Дагэтуль па-беларуску можна было сказаць толькі «жыд», і гэтае слова,
ў адрозьненьне ад расейскай мовы, не было ў нас абразьлівым. Варта згадаць верш Янкі
Купалы «Ўсебеларускія жыды» або працу Зьмітрака Бядулі «Жыды ў Беларусі». Вось жа
менавіта 24 ліпеня 1925 у беларускай мове зьявілася новае слова — «яўрэй».