Tragjedia e takimit muzikor të Duisburgut: 19 të vdekur e 300 të plagosur. Polemika
mbi sigurinë.
(25.07.2010 RV)Ka arritur në 19, numri i të vdekurve të tragjedisë së “Love
Parade” të Duisburgut, në Gjermani, ndërsa të plagosurit janë 300. Ndërkaq shtohen
polemikat mbi sigurinë.
Të nesërmen e tragjedisë së Duisburgut, vdekjes së
19 të rinjve, të shtypur nga turma poshtë tunelit të hyrjes në zonën ku zhvillohej
festa “Love Parade 2010”, Gjermania shqetësohet për masat e sigurisë. Ndërkaq ngrihet
një kor akuzash kundër policisë që, sipas zëdhënësit të bashkisë së Duisbugut, refuzoi
evakuimin e zonës, nga frika e valëve të reja të panikut. Mjetet e komunikimit akuzojnë
edhe organizatorët, që krijuan kushte shkandulluese, duke siguruar vetëm një portë
për hyrjen në zonë, gabim i madh e shkak kryesor për tragjedinë. Pikërisht mbi këtë
portë u dynd një mur njerëzish, që shtyheshin e mbulonin kufomat e para, në sa turma
brenda zonës së festës, vijonte të këndonte e të vallëzonte, pa marrë vesh fare se
ç’po ndodhte përjashta. Pas ngushëllimeve, që u shprehu dje familjeve kancelaria
Angela Merkel, drejtori organizativ i ‘Love Parade’, njoftoi se koncerti nuk do të
organizohet më.