Argumente të mbledhjes së ministrave të jashtëm të Bashkimit Evropian
(23.07.2010 RV)Mbledhja e së hënës e ministrave të jashtëm të Bashkimit Evropian
do të miratojë edhe paketën e re të sanksioneve kundër Iranit, me të cilën Evropa
shkon përtej masave të vendosura nga OKB-ja. Do të kufizohet veprimtaria për 41 personalitete
iraniane, 57 shoqëri, 15 të tjera, të kontrolluara nga Garda revolucionare iraniane
dhe tri linja detare të Republikës Islamike. Zv.presidentja e Komisionit, Ashton
do të flasë më pas për Gazën e Lindjen e Mesme, pas misionit të saj të fundit në rajon
e do t’u referojë ministrave në ç’pikë ka arritur përgatitja e shërbimit diplomatik.
Pika të tjera janë gjendja në Sudan dhe fillimi i negociatave për integrimin evropian
të Islandës.