Gjykata Ndërkombëtare e Drejtësisë thotë: shpallja e pavarësisë së Kosovës nuk shkel
asnjë ligj ndërkombëtar
Shpallja e pavarësisë së Kosovës nuk është akt kundër së drejtës ndërkombëtare. Kështu
pohon Gjykata e OKB-së në prononcimin e parimit të saj këshillëdhënës shpallur sot
nga Haga. Me 10 vota pro dhe 4 kundër Gjykata Ndërkombëtare e Hagës është shprehur
në favor të pavarësisë së Kosovës. Presidenti i Gjykatës Ndërkombëtare të Drejtësisë,
Hiasashio Ovada, tha se shpallja e njëanshme e pavarësisë së Kosovës nuk ka shkelur
asnjë dokument të Kombeve të Bashkuara. Sipas tij, shpallja e pavarësisë është proces
politik dhe jo ligjor. Në këtë aspekt, ai ka përmendur ecurinë e tërësishme të zhvillimeve
politike në Kosovë, që kanë të bëjnë me vendosjen e misionit të OKB së në Kosovë,
vendosjen e KFOR it e të tjera. Vendimi nga Gjykata Ndërkombëtare e Drejtësisë nuk
është detyrues. Por analistët thonë se një vendim që mbështet Kosovën mesa duket do
të bëjë që më shumë vende të tjera ta njohin pavarësinë e saj.
Gjykata qe thirrur
nga Asambleja e përgjithshme e OKB-së për të vendosur nëse shpallja e pavarësisë shpallur
më datën 17 shkurt 2008 është “në harmoni” me të drejtën ndërkombëtare. Prononcimi
i Hagës është i destinuar të ketë ndërlikime si në planin e marrëdhënieve ndërmjet
lëvizjeve separatiste të përhapura në botë e ndër qeveritë të Vendeve përkatëse si
dhe mbi negociatat e hyrjes në BE të Beogradit e Prishtinës.