Brazil: Ipeshkvijtë bëjnë thirrje për të votuar për ata që mbrojnë jetën dhe familjen.
(20.07.2010 RV)“Të zgjidhet një kanditat që mbron dinjitetin e njeriut dhe
të jetës në të gjitha shfaqjet e saj; të refuzohet me këmbëngulje çdo lloj dhune dhe
tip aborti, çdo lloj shfrytëzimi dhe trafiku me të mitur; çdo formë eutanazie dhe
manipulimi gjenetik. Duhet të mbrohet familja.” Këto janë kriteret për votimin e kandidatit
të përshtatshëm që ipeshkvijtë brazilianë të krahinës Leste 1 kanë renditur në letrën
e hapur dërguar popullatës për votimet e ardhshme parlam entare të tetorit. “Brazili
po përjeton një periudhë të veçantë të historisë së së vet: nga një anë përsa i përket
rritjes së brendëshme dhe pozitës në arenën ndërkombëtare, dhe nga ana tjetër përsa
i përket pabarazisë shoqërore dhe korrupsionit.” – shkruajnë ipeshkvijtë brazilianë,
cituar nga gazeta “L’Osservatore Romano”. “Kisha, falë pikërisht misionit të saj
universal, nuk mund të marrë anën e këtij apo atij, por duhet të tregojë se cilat
janë parimet e zgjedhjes dhe të dallimit të shtetasve të përgjegjshëm dhe njerëzve
vullnetmirë.” Impenjimi politik për të cilin jemi të thirrur, është një mënyrë për
të dëshmuar ndikimin e Ungjillit në jetën konkrete, me synim që të ndërtohet një shoqëri
e barabartë, e drejtë dhe vëllazërore”.- letrën përfundojnë ipeshkvijtë brazilianë.