Shqipëri: Aksidenti tragjik pranë fshatit Domen shkakton 14 viktima. Sot ditë
zie kombëtare, ipeshkvijtë katolikë shprehin keqardhjen e ngushëllimet
(18.07.2010 RV)Janë 14 personat që kanë humbur jetën në aksidentin tragjik që ndodhi
pasditen e djeshme në aksin rrugor pranë fshatit Domen në zonën e Fushë-Arrëzit. Ngjarja
e rëndë ka ndodhur rreth orës 17:00 dje e shtunë më 17 korrik në aksin Rrëshen-Fushë
Arrëz, ku autobusi me tragë PU 1330 A ka dalë nga rruga dhe ka rënë rreth 30 metra
në një greminë. Mësohet se autobusi i drejtuar nga shtetasi Zef Marku, ka rënë në
lumin Fan i Madh në fshatin Dom të komunës së Gjegjanit. Sipas informacioneve zyrtare,
behet fjale për 14 persona të vdekur dhe 12 të plagosur. Qeveria e Shqipërisë
shpall 18 korrikun, dite zie kombëtare. Ipesjhkvijtë katolikë të Shqipërisë shpreh
keqardhejn e saj për këtë tragjedi dhe solidaritetin me familjet e viktimave.
Policia:
Viktimat në Spitalin Ushtarak, Marie Prenga, 60 vjeç, Elona Mustafa, 12 vjeç Drejtoria
e Përgjithshme e Policisë së Shtetit bën të ditur se përvec 12 viktimave të konfirmuara
më parëm, kanë humbur jetën në Spitalin Ushtarak dhe dy shtetase, përkatësisht: Marie
Prenga, rreth 60 vjeç, Elona Mustafa, rreth 12 vjeç.
Ndërkohë sipas informacioneve
nga policia “Nga hetimet e deritanishme dhe kryerja e ekspertimit auto-teknik të mjetit
rezulton se: shpejtësia e lëvizjes së mjetit ka qenë brenda normave të lejuara, lëvizja
është kryer brenda normave të qarkullimit rrugor dhe në kahun e lejuar, drejtuesi
i mjetit ishte i pajisur me lejen e drejtimit përkatëse dhe kishte një përvojë shumëvjeçare
në drejtim”. Ekspertët e policisë rrugore, të cilët vijojnë këqyrjen e vendit
të ngjarjes ku ndodhi aksidenti tragjik pranë fshatit Domen në Zonën e Fushë-Arrëzit,
thonë se kanë parë shenja të forta frenimi. Paraprakisht zyrtarët thonë jozyrtarisht
se ose autobusi i pasagjerëve ka pësuar ndonjë defekt, ose shoferin e mjetit Zef Gjinin
e ka zënë gjumi, duke humbur kontrollin.
Pritet të merren në pyetje të
dëmtuarit nga ky aksident, dëshmitë e të cilëve do të hedhin dritë mbi rrethanat e
ndodhjes së aksidentit.
“Aktualisht po marrin ndihmën e kualifikuar mjekësore
pranë Spitalit Ushtarak 10 të dëmtuar nga ky aksident i rëndë, ndërkohë që 2 shtetas
të tjerë po marrin ndihmën mjekësore në spitalin e qytetit të Shkodrës” thuhet në
deklaratën e policisë.
Konferenca Ipeshkvnore katolike e Shqiperise mbi
aksidentin në aksin rrugor Rreshen-Fusharrez
E informuar mbi ngjarjen
e rëndë, të ndodhur në aksin rrugor Rrëshen – Fusharrëz, në të cilin ka pasur viktima
dhe të plagosur, Konferenca Ipeshkëvore e Shqipërisë, shpreh keqardhejn e saj për
këtë tragjedi dhe gjithashtu solidaritetin e saj me familjet e viktimave duke shpresuar
që të përjetojnë sa më lehtë këta momente vështirësie që i kanë prekur nga afër. I
lutemi Zotit për shpirtin e atyre që kanë vdekur dhe shërim sa më të shpejtë për ata
që janë të plagosur. Tragjedi të tilla, që prekin mbarë opinionin publik, duhet
të stimulojnë akoma më shumë afërsinë tonë njerëzore e gjithashtu edhe kujdesin në
rrugët tona qoftë nga ana e atyre që drejtojnë automejtet e qoftë nga ana e autoriteteve
policore.