Мінска-Магілёўская архідыяцэзія стала адным з заснавальнікаў Міжканфесійнай місіі
«Хрысціянскае сацыяльнае служэнне»
16 ліпеня 2010 г. адбылася пазачарговая асамблея Міжканфесійнай місіі «Хрысціянскае
сацыяльнае служэнне», падчас якой былі прыняты рашэнні ў дачыненні да яе заснавальнікаў,
а таксама вызначаны асноўныя накірункі дзейнасці. У гэты дзень у якасці адных з заснавальнікаў
Міжканфесійнай місіі былі названы Мінска-Магілёўская архідыяцэзія, а таксама Самастойная
евангельска-лютэранская Царква Рэспублікі Беларусь. Падчас пасяджэння былі абмеркаваны
пытанні зменаў колькаснага складу дэлегатаў асамблеі і зменаў ва ўставе Місіі, а таксама
дзяржаўная рэгістрацыя дадзеных зменаў. Падчас сустрэчы адбылася прэзентацыя праграм
сацыяльнага служэння Цэркваў, якія ўвайшлі ў склад Місіі як заснавальнікі. Былі прааналізаваны
праграмы і праекты на 2010–2011 гг. З асаблівай увагай удзельнікамі асамблеі былі
разгледжаны мэты, задачы, складанасці і перспектывы развіцця дадзеных праектаў. Для
разгляду былі прапанаваны некалькі накірункаў будучай дзейнасці Міжканфесійнай місіі
ў сферы сям’і, аховы навакольнага асяроддзя і экалогіі.