Kardinali Kordes do të çojë në Haiti ndihmat e Papës për të dëmtuarit nga tërmeti
(16.07.2010 RV)Kryetari i Këshillit Papnor Cor Unum (një Zemër e Vetme), do
të shkojë më 22 korrik në Haiti ku, në emër të Papës, do të dorëzojë dhuratën e parë
prej 250 mijë dollarësh, për të krijuar kështu, mundësinë e fillimit të rindërtimit
të shkollës “Shën Françesku i Sales”, në Port-o-Prëns, rrënuar nga tërmeti i 12 janarit
të kaluar. Njoftimin e jep një komunikatë e Cor Unum. Hirësia e Tij do të çojë në
vendin e dëmtuar edhe një ofertë, gjithnjë nga ana e Papës, për Karitasin e Haitit. Kardinali
viziton Haitin në kuadrin e takimit vjetor të Këshillit të Administratës së Fondacionit
Populorum Progressio, që do të mbahet nga 20 deri më 23 korrik, në Santo Domingo.