Parlamenti francez miratoi ndalimin e burkës në të gjithë vendin. Pra, Asambleja kombëtare
franceze ndalon mbulimin e plotë të trupit, për shembull me ferexhe apo bruka. Kështu
femrat myslimane që jetojnë në Francë nuk do të mund të përdorin më velin islamik
integral në publik. Këtë vendim pra mori Asambleja Kombëtare Franceze me shumicën
e votave. Sipas ligjit të qeverisë konservatore, qytetarëve në përgjithësi u ndalohet
të mbulojnë fytyrën në publik. Kush e shkel ligjin, dënohet me gjobë 150 euro e detyrohet
të frekuentojë kurset e edukimit qytetar. Burrat që i detyrojnë gratë e femrat të
mbajnë ferexhe, rrezikojnë një vit burg ose gjobë deri në 30 mijë euro. L igji
duhet të aprovohet edhe nga Senati e pritet të hyjë në fuqi në fillim të vitit tjetër.
Kujtojmë se në Francë jeton pakica më e madhe myslimane në Evropë. Në muajin prill,
ferexheja u ndalua edhe në Belgjikë.