Ватыкан: падвынікованы фінансавы баланс. Хоць Ватыкан па-ранейшаму мае дэфіцыт, але
ў два разы меншы, чым год раней
У Ватыкане закончылася сэсія Рады Кардыналаў па арганізацыйна-эканамічных пытаннях
Святой Сталіцы. У часе яе 13-ць кардыналаў з розных краін свету пазнаёміліся з фінансавым
станам Апостальскай Сталіцы і Ватыканскае Дзяржавы. Баланс Апостальскай Сталіцы
у мінулым годзе меў дэфіцыт на 4,1 мільёна еўра. Узнёскі давалі каля 250-ці мільёнаў
еўра, а выдаткі больш за 254-ы мільёна еўра. На сэсіі Рады Кардыналаў шмат месца
было прысвечана сістэме сродкаў масавай інфармацыі Апостальскай Сталіцы, у прыватнасці,
Ватыканскага Радыё. Сітуацыю папскага радыёвяшчання прадставіў ейны кіраўнік ксёндз
Фэдэрыко Лёмбарді разам з галоўным адміністрацыйным дырэктарам Альбэртам Гаспары.
Асобна дадзены баланс Ватыканскае Дзяржавы. У 2009-м годзе ён закрыўся дэфіцытам
амаль ў 8-м мільёнаў еўра. У параўнанні з 2008-м годам, калі дэфіцыт склаў больш
за 15-ць мільёнаў еўра, гэта сведчыць аб паляпшэнні амаль на 7,5 мільёнаў еўра. Значныя
выдаткі былі звязаныя з аховай і павышэннем мастацкае спадчыны Апостальскай Сталіцы,
асабліва Ватыканскіх Музэяў. Вялікім фінансавым цяжарам з”яўляюцца абнаўленне каланады
Плошчы Святога Пятра ды аднаўленчыя працы ў папскіх базыліках: Святога Яна на Латэране,
Святога Паўла па-за Мурамі і Маці Божай Большай, як таксама падвышаныя выдаткі на
бяспеку ў Ватыканскай Дзяржаве ды на перабудову Ватыканскай Апостальскай Бібліятэкі Ахвяраванні
на папскую дабрачынную дзейнасць, званыя “Аболям Святога Пятра”, прынеслі летась каля
82,5 мільёнаў даляраў. Найбольшыя ўзносы былі са ЗША, Італіі і Францыі. Апублікаваны
ў Ватыкане камунікат інфармуе таксама аб ахвяраваннях, якія надыходзілі з розных дыяцэзый
на цэнтральныя структуры Касцёла. Найбольш ахвяраванняў прыслалі дыяцэзыі ЗША, а
на другім месцы Нямеччыны. Таксама іншыя інстытуты склалі ахвяраванні на рэлігійную
дзейнасць Святога Айца. Напрыклад, “Ватыканскі банк” ( IOR) ахвяраваў на яе 50-т
мільёнаў еўра .