Luftë deklaratash Iran-SHBA për shkencëtarin iranian.
(13.07.2010 RV)Kanë qenë vetë amerikanët ata që ia dorëzuan ambasadës pakistanase
në SHBA shkencëtarin iranian Shahram Amiri, grabitur nga CIA në Arabi Saudite, sipas
deklaratave të mëparshme të Iranit. Kështu pohon televizioni iranian, sipas të cilit
shkencëtari ka deklaruar se shërbimi sekret amerikan ishte përpjekur ta riatdhesonte
në Iran pa bërë shumë zhurmë, por nuk ia kishte arritur qëllimit. Përkundrazi, sipas
Uashingtonit, Amiri vendosi të kthehet në Iran vullnetarisht, ndryshe nga tre shtetasit
amerikanë në dorë të Teheranit, për të cilët Uashingtoni po kërkon lirimin.