На старажытны гатычны храм рэканструктары — мясцовы прыход Беларускага экзархату Расейскай
праваслаўнай царквы — мелі намер усталяваць купалы-цыбуліны, якія фактычна зьнішчылі
б гістарычнае аблічча помніка. Пасьля таго, як прадстаўнікі беларускай інтэлігенцыі,
грамадзкасьць зьвярнуліся ў сродкі масавай інфармацыі, Беларускі экзархат РПЦ, Міністэрства
культуры з пратэстам супраць усталяваньня купалоў-цыбулін на наваградзкай Барысаглебскай
царкве, Міністэрства культуры накіравала ў Наваградзкі райвыканкам жорсткае патрабаваньне
спыніць усе працы па рэканструкцыі. Барысаглебская царква – гатычны помнік, які
зьяўляецца гістарычна-культурнай каштоўнасьцю 1-й катэгорыі, Настаяцель храма,
айцец Мікалай Орса, сказаў сёньня "Свабодзе", што пакуль не чытаў загад з Міністэрства
культуры, але працы па ўсталяваньню купалоў-цыбулін на гатычным храме спыняе. Ён накіруецца
ў Менск да навуковага кіраўніка праекту рэстаўрацыі з тым, каб высьветліць далейшыя
дзеяньні.