Агульная аўдыенцыя Святога Айца ў сераду 7-га ліпеня
Адбылася яна ў зале імя Папы Паўла 6-га. Прыбыло на яе многа вернікаў і
паломнікаў з кожнага кутку свету. Перад аўдыенцыяй Папа блаславіў статую Святога
Ганібала ды Франчіа. Статуя гэтая змешчана нядаўна, ў нішы базілікі святога Пятра.
А ў сённяшняй катахэзе Святы Айцец прыпомніў постаць бласлаўлёнага Яна Дунса
Скота, тэолага, філосафа, выдатнага мысліцеля 13-цівяковай францішканскай школы.
Нарадзіўся ён у
Шатландыі ў 1266-м годзе. Пасля святарскіх свядчынаў і тэалагічных і філасофскіх
студыяў неўзабаве стаў вядомым аўтарытэтам гэтых навуковых дысцыплін. Даваў лекцыі
на ўнівэрсытэтах у Оксфардзе, Кэмбрыджы і ў Парыжы. Пачаўшы далей працу на ўнівэрсытэце
ў Кёльне,- сказаў далей Папа ў сваёй сённяшняй катахэзе,- нечакана памёр у 1308-м
годзе, маючы 43-ы гады. З увагі на ранг і дакладнасці ў тэмах, якія ўздымаў, ды лагічную
іх структуру, быў названы “праніклівым доктарам”. Ян Павал ІІ абвясціў яго бласлаўлёным
у 1993-м годзе. Навуковыя даследаванні Дунса Скота ахоплівалі вельмі шырокую тэматыку,-
зноў сказаў Святы Айцец. На асаблівую ўвагу заслугоўваюць выпрацаваныя ім вызначэнні
і тэзісы, якія тычыліся таямніцы Уцелаўлення Сына Чалавечага і Яго збаўчых мукаў;
ролі Божае Маці ў збаўленні і Яе непарочнага зачацця; візіі свабоды і яе адносін да
інтэлекту і волі. “Хай навучанне гэтага выдатнага тэолага,- сказаў на заканчэнне
Бэнэдыкт 16,- будзе заахвочаннем таксама і для нас, каб мы больш сур”ёзна абмяркоўвалі
праўды веры і пастаянна іх паглыблялі.”