Kardinali Bertone kremtoi 50-vjetorin e meshtarisë: mision vërtet i bukur e i pashoq.
(07.07.2010 RV)U mbushën 50 vjet meshtari për kardinalin Bertone, sekretar
i Shtetit të Vatikanit. E këtë jubile e kremtoi me një Meshë, kryesuar në bazilikën
e Vatikanit. Duke kujtuar rrugën e gjatë 50 vjeçare, Kardinali tha me emocion:
“U zgjodha për një detyrë tejet të bukur, që nuk mund të krahasohet me asgjë: me detyrën
e meshtarit, në shërbim të Kishës, në miqësi të ngushtë me Jezusin. Më pas, gjatë
homelisë, nënvizoi tri arsyet, që e shtynin për të falënderuar Zotin: “Si
meshtar e si ipeshkëv, e provova shumë herë bukurinë e forcën e Ungjillit të Krishtit,
që është vërtetë i aftë për t’i a ndryshuar jetën njerëzve”. Një mision
i pashembullt, ky i meshtarit, por pse? “Pse u jep shpresë njerëzve; kumton
se Zoti është i mirë; lehtëson dhimbjet e atij që vuan; i kujton Qiellin, atij që
tronditjet e tokës e zhysin në trishtim. Kush është meshtari – pyeti në përfundim
kardinali. Përgjigjja, theksoi, është vetëm një: prifti është njeri i dashuruar me
Jezu Krishtin, është miku i Krishtit, të cilin e do, e pret, e takon, e lavdëron,
e lut".