Irak: atentat kundër shtegtarëve shiitë, 7 të vdekur e 37 të plagosur
Shtatë persona janë vrarë sot paradite e 37 të tjerë kanë mbet të plagosur në Bagdadnga një seri sulmesh me murtajë e atentate dinamiti kundër vargut të mijëra shtegtarëve
shiitë që ishin drejtuar për në mauzoleun e imamit të shtatë, përvjetori i vdekjes
i të cilit bie sot. Një zëdhënës i ministrisë së brendshme saktësoi se katër civilë
janë vra kur plumbat e murtajës goditën turmën e shtegtarëve, nderisa dy persona tjerë
kanë vdekur në dy atentate tjera që shpërthyen në lagjen jug-perëndimore të kryeqytetit
të Irakut. Gjithnjë në Bagdad sot ka vdekur një oficer i ushtrisë, i cili u vra
nga shpërthimi i një bombe vendosur nën makinën e tij. Që prej shtatë vjetësh,
në përvjetorin e vdekjes së imamit al-Kadhim në shekullin e VII pas Krishtit, mijëra
shtegtarë shkojnë për vizitë tradicionale te mauzoleu i tij ( shtegtim që qe ndaluar
gjatë regjimit të Sadam Hyseinit i cili ra më 2003), duke u dhënë rast terroristëve
të mbjellin vdekje. Autoritetet irakiane kanë sigurua për këtë vit përforcimin
e masave të sigurisë dhe rritjen e personelit ushtarak, si dhe ndërtimin e strukturave
përkatëse për pritjen e shtegtarëve që udhëtonin nën diell të flaktë.