Papa në Mbretërinë e Bashkuar nga 16 deri më 19 shtator.
(05.07.2010 RV)Duke pranuar ftesat e qeverisë, të mbretëreshës Elizabeta II
dhe të Konferencave ipeshkvnore katolike të Angli-Uellsit e të Skocisë, Benedikti
XVI do të bëjë një shtegtim apostolik në Mbretërinë e Bashkuar, nga 16 deri më 19
shtator. Njoftimin zyrtar e dha sot drejtori i Sallës së Shtypit të Vatikanit, atë
Federiko Lombardi. Gjatë shtegtimit, Papa do t’i bëjë një vizitë mbretëreshës, në
Pallatin Mbretëror Holirud-hauz në Edinburg. Më pas do të kryesojë një kremtim eukaristik
në Belahyston Park të Glasgout e do të takohet me përfaqësues të botës politike, kulturore
e impreditoriale në Uestminster Hol. Do të marrë pjesë edhe në një kremtim ekumenik
në Abacinë e Uestminsterit e, më pas, edhe në Lutjet mbrëmësore në Hajd Park të Londrës.
Së fundi, do të kryesojë kremtimin me ritin e lumnimit të kardinalit Xhon Henri Njumën
në Kofton Park të Birmingamit.