Прыгадаем тут нядаўнюю падзею, калі прыкладна месяц таму Кіраўнік Аддзела знешніх
царкоўных сувязяў Маскоўскага Патрыярхату ўзначаліў літургію ў базыліцы святога Пятра
ў Рыме. Мітрапаліт Валакаламскі Іларыён знаходзіўся з візітам у Італіі на благаславенства
Патрыярха Маскоўскага і ўсяе Русі Кірыла.
Галава РПЦ падарыў Папу Бенедыкту 16 канцэрт.Яго пасланец Мітрапаліт Іларыён зачытаў
тады прывітанне Патрыярха Кірыла да Папы. Прапануем інтэрв'ю з Мітрапалітам Іларыёнам.
Мітрапаліт
Валакаламскі Іларыён тады, 20 мая 2010 года адзначыў падчас Боскай літургіі каля
мошчаў апостала Пятра ў базыліцы святога Пятра ў Рыме, што апостал Пётр з’яўляецца
Першавярхоўным для ўсяе хрысціянскае Царквы. «Мы ўшаноўваем святога апостала Пятра
як таго, на чыёй веры Госпад стварыў Царкву», — дадаў праваслаўны іерарх, падкрэсліўшы,
што пасля таго, як Хрыстос узнёсся і цялесна пакінуў сваіх вучняў, Духам застаўся
з імі і з усімі намі ды « паставіў менавіта Пятра кіраўніком апостальскай супольнасці;
і затым у кожнай створанай супольнасці яе кіраўніком рабіўся епіскап, пастаўлены рукамі
апосталаў. Молячыся тут, каля гробу святога апостала Пятра, мы нібыта пераносімся
ў тую эпоху, калі Госпад ствараў Царкву на цвёрдай падставе веры сваіх апосталаў
і давяраў ім прапаведніцкую і пастырскую місію», — працягваў Мітрапаліт. З Іерусаліма,
як дадаў іерарх, Царква прыйшла ў Рым і ў іншыя гарады, паступова распаўсюдзіўшыся
апостальскім подзвігам па ўсім свеце і дайшоўшы да нашых дзён