Papa: lidhja me Selinë Apostolike është garanci e lirisë së Kishave vendore
“Bashkimi me Pjetrin e me pasardhësit e tij është garanci e lirisë për Barinjtë e
Kishës e për vet Bashkësinë që u është besuar atyre”. Kështu pohoi Papa Benedikti
XVI gjatë homelisë së meshës kremtuar në festën e Shenjtorëve Pjetër e Pal Apostuj,
pajtorë qiellor të Romës e të Selisë Apostolike. Fjalët e Papës marrin një domethënie
të veçantë në dritën e ngjarjeve që në Belgjikë, SHBA e Itali këtyre ditëve kanë kundërvë
Kishën e magjistraturën me rastin e hetimeve gjyqësore. “Në planin historik - kujtoi
Ati i Shenjtë Racinger - bashkimi me Selinë Apostolike të Romës u siguron Kishave
vendore dhe Konferencave Ipeshkvnore lirinë ndaj pushteteve e qeverive lokale, kombëtare
apo mbikombëtare, që në disa raste mund të pengojnë misionin kishtar”. Edhe më shumë
e më thelbësisht, “është garanci e lirisë në kuptimin e plotë të aderimit në të vërtetën,
në traditën autentike, kështu që Populli i Zotit të mbrohet e ruhet prej gabimeve
që kanë të bëjnë me fenë e krishterë dhe moralin”. Prandaj “fakti që, çdo vit,
ipeshkvijtë e ri metropolitë vijnë në Romë për të marr Palion nga duart e Papës, duhet
të kuptohet - shpjegoi Papa - në domethënien e saj autentike, si gjest i bashkimit,
e tema e lirisë së Kishës na ofron çelësin e leximit posaçërisht të rëndësishëm”.
Kështu pra pohoi Benedikti XVI në homelinë e meshës së solemnitetit tshenjtorëve
Pjetër e Pal, duke iu referuar vendosjes së simbolit të “palios” që sot u takoi38
kryeipeshkjve të ri metropolitë të ardhur në Romë nga të gjitha kontinentet.