Ministri serb Bogdanoviq: Për ruajtjen e Kosovës në "kuadër të Serbisë"
Ministri serb për Kosovën në Qeverinë e Serbisë Goran Bogdanoviq pohoi mbrëmë në Graçanicë
afër Prishtinës, se synimi i Beogradit në Kosovë është që mos të rrezikojë askënd,
por të kërkojë zgjidhje për të mbrojtur atë që është serbe si dhe për të mundësuar
ekzistimin e mëtejshëm të institucioneve, të popullit dhe kishës serbe. Duke folur
në solemnitetet kushtuar festës së Vidovdanit, në 621 vjetorin e Betejës së Kosovës,
Bogdanoviq tha se Serbia do të jetë e suksesshme vetëm nëse mbron dhe kultivon stabilitetin
e unitetin midis shtetit dhe popullit, sepse, sipas tij, kjo është "parakusht për
ruajtjen e Kosovës në kuadër të Serbisë".