Кардынал Бэртонэ: вяртанне да Бога ўмоваю выхаду з крызісу
“Свет павінен вярнуцца да Бога, калі хоча выйсці з крызісу, які што-раз больш павялічваецца
і ўключае ў сябе не толькі эканоміку але таксама і сацыяльнае жыццё, адукацыю ды
маральнасць”,- сказаў кардынал Тарчызіё Бэртонэ падчас працэсіі з мошчамі Святога
Яна Хрысціцеля ў Генуі, Італія. Дзярсакратар Ватыкану адзначыў, што асноўнаю праблемаю
нашага свету ёсць аддаленне людзей ад Бога, чаго непасрэдным вынікам з”яўляецца іх
поўная дэзарыентацыя. Такі дыягназ ставіць сёння чалавецтву Папа Бэнэдыкт 16,- заўважыў
кардынал Бэртонэ. На яго думку прыверненне свету да Бога- сёння галоўная задача
хрысціянаў. Для таго, каб справіцца з гэтым трэба адважыцца на мужнасць у сведчанні
аб Хрысце. Свет мае патрэбу сёння ў такіх людзей, як Ян Хрысціцель.,- нагадаў ватыканскі
ерарх. Нашыя часы падобныя да часоў, якія папярэднічалі прыход Мэсіі. Прарокі ад
даўна маўчаць, тым часам людзі патрабуюць Слова збаўлення,- падкрэсліў Дзяржсакратар
Ватыкану.