Cочі. Пасол Святога Пасаду ў Расіі арцыбіскуп Антоніо Меніні прапанаваў каталіцкім
святарам прысутнічаць час ад часу на набажэнствах у храмах Рускай праваслаўнай Царквы.
Пра гэта нунцый, у прыватнасці, сказаў, звяртаючыся да ўдзельнікаў чарговага пасяджэння
Канферэнцыі каталіцкіх біскупаў Расеі, што прайшло ў чэрвені ў Сочі. Як абвясціў журналістам
генеральны сакратар ККЕР святар Ігар Ковалеўскі, арцыбіскуп Антоніо Меніні адзначыў
тады ж паляпшэнне праваслаўна-каталіцкіх адносін і заклікаў развіваць "братэрскія
стасункі паміж каталіцкім і праваслаўным духавенствам". Нунцы таксама канстатаваў
паляпшэнне дзяржаўна-царкоўных адносін пасля ўсталявання дыпламатычных адносінаў
паміж Расеяй і Ватыканам на ўзроўні сталых посольстваў. На сваім пасяджэнні Канферэнцыя
Каталіцкіх Біскупаў РФ зрабіла заяву адносна пытання скасавання рэлігійных сімвалаў
ў публічных школах Еўропы, указаўшы на тое, што Крыж з'яўляецца адным з найважнейшых
элементаў еўрапейскай ідэнтычнасці . Біскупы нагадалі пра сумны вопыт Расеі ў савецкі
час, калі барацьба з рэлігійнымі сімваламі прывяла да пераследу вернікаў і да маральнага
заняпаду грамадства.