Ватыкан на форуме ААН: мы занепакоеныя хваляй кіргійскіх уцекачоў і перамешчаннем
асоб у Калюмбіі
“Апошнія статыстычныя дадзеныя паказваюць, што ў свеце надалей працягваецца вялікае
перамяшчанне людзей насуперак іхняе волі”,- сказаў нядаўна ў Жэневе пастаянны назіральнік
Ватыкану пры ААН. Арцыбіскуп Сільвано Томасі ўзяў голас на 48-м пасяджэнні Пастаяннай
камісіі выканаўчага камітэту Вярхоўнага Камісара ААН па справах бежанцаў. Арцыбіскуп
адзначыў, што колькасць людзей, якімі павінен апекавацца Вярхоўны камісар, у мінулым
годзе склала больш за 43-ы мільёны чалавек, значыць найбольш ад 90-х гадоў мінулага
стагоддзя. У якасці прыкладу прывёў новую вялікую хвалю бежанцаў з Кіргізстана і
рэкордную колькасць, амаль 5-ць мілёнаў жыхароў Калюмбіі, якія перамешчаны ў сваёй
ўласнай краіне. Прадстаўнік Апостальскай Сталіцы выказаў падтрымку намаганням Вярхоўнага
Камісара ААН у карысць бежанцаў і іншых асоб, даручаных яму міжнароднаю супольнасцю.
Як добры знак назіральнік Ватыкану пры ААН прызнаў пабольшанне фондаў на дапамогу
ўцекачам, нягледзячы на цяжкасці, што звязаныя з цяперашнім фінансавым і эканамічным
крызісам.