Куба: кіраўнік ватыканскае дыпламатыі задаволены станам дыялогу Касцёла з дзяржавай
Прабываючы на Кубе сакратар Святога Пасаду па адносінах з дзяржавамі арцыбіскуп
Дамінік Мамбэрті выказаў задавальненне ў сувязі з вынікамі новага дыялогу Іамашняга
Касцёла з дзяржаўнымі ўладамі. Пасля сустрэчы з кіраўніком кубінскай дыпламатыі,
Бруно Радрыгэс, ён выказаў надзею, што ягоны візіт будзе спрыяць ўзмацаванню дыялогу
Касцёла з кубінскімі камуністычнымі ўладамі. Спасылаючыся да нядаўняга вызвалення
аднаго з 2-хсот палітычных вязняў ды перавод 12-ці іншых зняволеных бліжэй да сваіх
сем”яў, кіраўнік ватыканскае дыпламатыі выказаў задавальненне з бачных вынікаў касцельнага
пасрэдніцтва. Арцыбіскуп Мамбэрті знаходзіцца ў Гаване ў сувязі з 75-ю гадавінаю
ўстанаўлення адносін паміж Кубай і Ватыканам. Затое міністар замежных спраў Кубы
Бруно Радрыгэс выказаў сваю ўдзячнасць за “канструктыўную ролю” Касцёла і выказаў
надзею працягваць гэты плённы абмен думкамі, ў адпаведнасці з павагай да кубінскай
Канстытуцыі і законадаўства.