Папа Бэнэдыкт 16 да Папскае Касцельнае Акадэміі: ватыканскія дыпламаты выконваюць
святарскую паслугу
“ Дыпламатычнае прадстаўніцтва Папы не ёсць толькі проста фармальнаю рэччу.
Яно мае значна больш глыбейшы сэнс, бо спалучаецца з турботаю Біскупа Рыму пра ўсе
Касцёлы”,- сказаў Бэнэдыкт 16 да будучых дыпламатаў Ватыкану. Як заўсёды ў канцы
універсітэцкага года Святы Айцец сустрэўся са святарамі, якія рыхтуюцца да гэтай
службы у Папскай Касцельнай Акадэміі. Папа сказаў , што яны павінны клапаціцца
пра глыбейшае адзінства з Наступнікам Пятра і яго навучаннем ды турбавацца пра еднасць.
Яны з”яўляюцца “шляхамі сувязяў” паміж мясцовымі Касцёламі і Апостальскай Сталіцай,
маюць даваць Папе і яго супрацоўнікам, з аднаго боку, аб”ектыўную інфармацыю пра краіны
ў якіх жывуць а з іншага, перадаваць ўказанні Святога Пасаду на месцы не бюракратычна,
але з глыбокай любоў”ю да Касцёла. Так ватыканскі дыпламат стае “знакам прысутнасці
і любові Папы”,- адзначыў Бэнэдыкт 16,- Ёсць гэта карысга для ўсіх мясцовых Касцёлаў,
асабліва ў стратэгічна важных ці цяжкіх сітуацыях, ў якіх па розных прычынах знаходзіцца
хрысціянскія супольнасці”. “Справа ідзе, як бачым, пра сапраўднае святарскае служэнне,
якое блізкае да аналогіі з прадстаўленнем Хрыста цераз свайго святара, што ўтрымлівае
па самой сваёй натуры ахвярны аспект”,- сказаў Папа. Адсюль менавіта стыль прадстаўлення,
які вы будзеце пакліканыя выконваць адносна дзяржаўных уладаў ці міжнародных арганізацый.
Ватыканскі дыпламат заўсёды будзе атоесамлівацца з тым, каго прадстаўляе. Быць прадстаўніком
Намесніка Хрыста, значыць Рымскага Папы, стаецца непаўторным спосабам асягнення вышыні
ўласнага святарскага паклікання”.,- сказаў Бэнэдыкт 16. У Папскай Касцельнай Акадэміі
падрыхтоўваецца ў гэтым годзе для дыпламатычнай службы Ватыкана 36-ць святароў з розных
краін свету. Прадстаўніцтвы Апостальскай Сталіцы знаходзяцца ў больш чым 150-ці краінах
свету.