2010-06-15 13:37:55

2010՝ ՀԱՅԿՆՈՋ ՏԱՐԻՆ ։ ՀԱՅ ԿԻՆԸ ԵՒ ՄԱՅՐԵՆԻ ԼԵԶՈՒՆ


 2010՝ ՀԱՅԿՆՈՋ ՏԱՐԻՆ ։ ՀԱՅ ԿԻՆԸ ԵՒ ՄԱՅՐԵՆԻ ԼԵԶՈՒՆ

ՀՀ. Սփիւռքի Նախարարութիւնը կարեւորելով լեզուի դերը, իբրեւ ազգ կազմող եւ պահպանող հիմնական գործօն, տարին յայտարարեց ՝՝ՄԱՅՐԵՆԻ ԼԵԶՈՒԻ ՏԱՐԻ՝՝ողջ հայութեան ուշադրութիւնն ու ջանքերը սեւեռելու մայրենի լեզուն անաղարտ պահելու խնդիրին։
Մեծի Տանն Կիլիկիոյ Կաթողիկոս ՆՍՕՏՏ Արամ Ա. բարձր գնահատելով հայ կնոջ դերը մեր ժողովուրդի կեանքէն ներս,իր կարգին 2010 տարին հռչակեց ՝՝ՀԱՅ ԿՆՈՋ ՏԱՐԻ՝՝ հայ կինը ճիշդ գնահատելու, եւ արժեւորելու համար անոր իւրայատուկ տեղն ու դերը մեր ազգային կեանքէն ներս։ Երբ կը խօսինք մայրենի լեզուի անաղարտ պահպանման, ուսուցման, հայեցի դաստիարակութեան մասին, անմիջապէս մեր աջքի առջեւ կը յայտնուի հայ կինը, որ այս սրբազան առաքելութիւնը իր ուսերուն վրայ կրող գլխաւոր դերակատարն է, իբրեւ մայր, ուսուցչուհի, տնօրէնուհի, լրագրող եւ հասարակական գործիչ։ Հայ մայրը առաջին օրօրոցայինը երգած է իր երեխային եւ եղած՝ անոր առաջին ուսուցիչը...... Հայ Մօր հայերէնէն կախուած է մեր մայրենիի ճակատագիրը։
Հայրենինքն ու Սփիւռքը 2010 տարին տարբեր արժէքներով իմաստաւորելով հանդերձ, միասնական են, ՝՝տարբեր ենք, սակայն կը մնանք նոյն ազգի զաւակները, որոնք տարբեր միջոցներով կը ծառայեն նոյն գաղափարին՝՝ այն է՝ Ապրիլ Հայօրէն։







All the contents on this site are copyrighted ©.