11-vjetori i çlirimit të Kosovës nga frocat e NATO-s
Ditë e shënuar sot për Kosovën, e cila feston 11 vjetorin e fundit të luftës me forcat
serbe të Sllobodan Millosheviqit. Pikërisht më 12 qershor të vitit 1999, forcat e
NATO-s hyjnë në Kosovë, pas bombardimeve që vazhduan për 78 ditë më radhë. E kush
nuk i kujton radhët e gjata me qytetarë kosovarë, që të dëbuar e të detyruar kapërcenin
të tmerruar kufirin me Shqipërinë, për të ikur nga persekutimet e masakrat serbe?!
Akoma sot, numërohen me qindra njerëz të zhdukur, fati i të cilëve nuk dihet. Me ndryshimin
e regjimit në Serbi, janë gjetur disa varre masive, ku millosheviçianët e dikurshëm
patën hedhur kufomat e shqiptarëve kosovarë, por kjo plagë mjerisht mbetet ende e
hapur. Sot Kosova është Shtet i lirë e sovran me të gjitha perspektivat por edhe
shqetësimet, e sidoqoftë shpresat për një të ardhme më premtuese e të mirë, për të
gjithë qytetarët, duhen kultivuar për të ndërtuar me kontributin e të gjithëve, një
qytetërim vërtetë të drejtë, njerëzor e demokratik.