Nato: “të matura” progreset e misionit Isaf në Afganistan.
(11.06.2010 RV)Misioni ndërkombëtar Isaf, i udhëhequr nga NATO, në Afganistan,
ka shënuar deri tani progrese të matura. Ky është gjykimi i shprehur nga ministrat
e mbrojtjes të Aleancës, mbledhur në Bruksel. Në një deklaratë, miratuar në përfundim
të një mbledhjeje dyditore, të 28-tët pohuan se inkurajohen nga rezultatet, por se
mbeten gjithnjë shumë sfida të panjohura, gjë që do të thotë se suksesi nuk është
ende i sigurt. Sekretari i NATO-s, Rasmussen, në një takim me shtypin, theksoi se
muajt e ardhshëm trupat e Isafit duhet të kalojnë prova të vështira. Ndërkaq nëntë
civilë gjetën vdekjen për shkak të një bombe artizanale, që shpërtheu në sa automjeti
i tyre po kalonte në rrugën e provincës së Kandaharit. Njoftimin e dhanë autoritetet
vendase.