У нядзелю 6-га чэрвеня Бэнэдыкт 16 завершыў візіт на Кіпр. Папа на лётнішчы ў Лярнацы:
кароткае, але плённае падарожжа.
Кароткім, але паспяховым назваў Святы Айцец свой трохдзённы візіт на Кіпр. У цырымоніі
развітання ў эўрапорце ў горадзе Лярнака, Папа заклікаў актывізаваць намаганні “па
стварэнні рэальнага і трывалага міру для ўсіх жыхароў” усходняй часткі Міжземнамор”я. Нагадаўшы
пра сваю сустрэчу з праваслаўным архіяпіскапам Кіпру Хрызастомам ІІ выказаў надзею,
што яго візіт будзе разглядацца як чарговы крок на шляху, які адкрылі перад намі ў
Ерусаліме ў 1964-м годзе абдымкі Партрыярха Атэнагораса і Папы Паўла 6-га. Іхнія
першыя сумесныя прарочыя крокі паказалі нам дарогу, па якой мы таксама павінны ісці.
Бог заклікае нас, каб мы былі братамі, ідучы разам у веры, ў пакоры перад Усемагутным
Богам і з непарыўнымі вузамі ўзаемнай любові. Заахвочваючы іншых хрысціян працягваць
гэты шлях, я хацеў бы запэўніць іх у тым,- сказаў Папа,- што Каталіцкі Касцёл, з Божай
дапамогай будзе імкнуцца да мэты, якой з”яўляецца дасканалае адзінства ў любові з
дапамогай глыбейшага разумення таго, што католікі і праваслаўныя маюць найбольш каштоўнае,-
сказаў Святы Айцец. “Дазвольце мне яшчэ раз выказаць шчырую надзею і малітву, каб
мы разам, хрысціяне і мусульмане сталі рошчынаю міру і прымірэння паміж кіпрыйцамі
і служылі прыкладам для іншых краін”,- дадаў Папа. Гаворачы аб сітуацыі на Кіпры,
Бэнэдыкт 16 адзначыў, што да найважнейшых задач улады належыць забяспечыць мір і бяспеку
для ўсіх кіпрыйцаў. “Праўда і прымірэнне а таксама ўзаемная павага з”яўляюцца самай
надзейнай асновай мірнай будучыні гэтага востраву, стабільнасці і дабрабыту ўсіх
яе жыхароў. Шмат добрага было дасягнута ў гэтай галіне ў апошнія гады на аснове канструктыўнага
дыялогу, але многае яшчэ трэба зрабіць для пераадолення падзелаў”,- растлумачыў Папа.
На канец заахвоціў Прэзыдэнта Кіпра і ўсіх яго суайчыннікаў да “цярплівай і напружанай
працы”, каб ствараць лепшую і больш стабільную будучыню. Развітваючыся з Папам
Прэзыдэнт Кіпра Дэмэтрыс Хрыстофіяс падзякаваў яму за падтрымку ў аб”яднанні Кіпра
на аснове рэзалюцый ААН, а таксама за клопат аб культурнай спадчыне на тэрыторыях
“акупіраваных турэцкакй арміяй”. Ён прызнаўся, што жыхары Кіпра ёсць крануты яго
прыязняю і салідарнасцю. Жадаючы Бэнэдыкту 16 шчаслівае дарогі ў Рым, ён выказаў
надзею, што хутка дойдзе да чарговае сустрэчы паміж імі.