Агульная аўдыецыя Святога Айца ў сераду 2-га чэрвеня
Уздымаючы нанава катахэзу аб вялікіх тэолагах Бэнэдыкт 16 пазнаёміў сёння вернікаў
з постацю Тамаша Аквінскага. Нарадзіўся ён у 1224 або ў 1225-м годзе ў Роккасэка
блізка Аквіно, Італія Першыя навукі атрымліваў у Абацтве Айцоў Бэнэдыктынаў у Монтэкасіна.
Затым вучыўся ў Неапалі. Там пазнаёміўся з думкамі грэцкага філосафа Арыстотэля.
Там таксама нарадзілася ў ім пакліканне да законнага жыцця,- сказаў Папа ў часе сённяшняе
катахэзы. Уступіў да Закону Дамініканаў. Улады Закону паслалі яго ў Парыж дзе вучыўся
пад кіраўніцтвам Альбэрта Вялікага. У Парыжы а затым у Кёльн працягваў вывучаць
творы Арыстотэля на тэму натуры пазнання, прыродных навук, мэтафізыкі і этыкі. Спалучаючы
медытацыі над абьяўленымі праўдамі са старажытнаю філасофскаю думкаю,- зноў сказаў
Святы Айцец,- даказваў, што хрысціянская вера і навука астаюцца ў натуральнай гармоніі. Пакінуў
па сабе багатую літаратурную спадычыну, камэнтарыі да Святога Пісання, трактаты і
прамовы. З 1261 па 1265 гады прабываў у горадзе Арвета. Папа Урбан ІV даручыў яму
падрыхтаваць літургічныя тэксты на ўрачыстасць Божага Цела. Яго Эўхарыстычныя гімны
асталіся па сёння каштоўным сведчаннем веры, аб сапраўднай прысутнасці Хрыста пад
відамі Хлеба і Віна. Апрача навуковай працы,- сказаў на заканчэнне сваёй катахэзы
Папа,- Тамаш з Аквіну аддаваўся душпастырскаму прапаведванню Евангелля. Памёр у дарозе
на Экумэнічны Сабор у Абацтве Цыстэрцаў у Фоссанова ў 1273-м годзе.