Ксёндз Фэдэрыко Лёмбарді: гук рускай музыкі ў Ватыкане знакам праваслаўна-каталіцкага
пагаднення
Кацэрт, які наладзіў Папе Бэнэдыкту 16, з нагоды 5-й гадавіны Пантыфікату Патрырх
Масквы і Усяе Русі Кірыл, быў галоўнай тэмай штотыднёвага фэльетону Прэсавага прадстаўніка
Ватыкану ксяндза Лёмбарді. Ён назваў гэтую падзею важным крокам у адносінах паміж
Рускай Праваслаўнай Царквой і Каталіцкім Касцёлам. Істотным тут быў не столькі сам
канцэрт, але перш за ўсё сардэчнае пасланне Кірыла, ў якім Патрыярх пайшоў яшчэ далей,
чым патрабуе простая ветлівасць,- піша айцец Лёмбарді. “Гэта вельмі відавочнае,
што ў сённяшнім культурным клімаце Еўропы, стаўленні праваслаў”я і каталіцызму ў пытаннях
асноўных праблемаў ёсць аднолькавыя, таму што вынікаюць яны з чалавечага гледжання,
якое натхнёнае хрысціянствам”,- сцвердзіў італьянскі езуіт,- Мітрапаліт Іларыён у
сваёй прамове спаслаўся на пытанні, якія непасрэдна звязаныя з жыццём і сям”ёй. Варта
адзначыць, што таксама прамова Папы адрознівалася ад тых, якія звычайна казаў на заканчэнне
канцэрту. Прамова Святога Айца была даўжэйшаю і больш глыбейшаю. Папа вельмі шырока
развінуў тэму хрысціянскіх каранёў Еўропы, якія знаходзяць сваё адлюстраванне не толькі
ў рэлігійным жыцці. Яны праяўляюцца таксама ў неацэннай культурнай і мастацкай спадчыне
краін, у якіх хрысціянская вера натхняла творчасць чалавека і ягоны геній”. “У
абліччы секулярызацыі, якая ігнаруе Бога і заканчваецца на адмаўленні чалавечай годнасці,
мы павінны сёння працаваць над праектам новага гуманізму,- дадаў прэс-сакратар Ватыкану,-
Ён мае дапамагчы Еўропе, каб магла сёння зноў дыхаць поўнымі лёгкімі, дзякуючы дыялогу
і супрацоўніцтва паміж Усходам і Захадам, паміж традыцыяй і сучаснасцю. Гук рускай
музыкі ў Ватыкане быў выразным знакам згоды, якая ў дадзеным выпадку была заключана
паміж Рускай Праваслаўнай Царквой і Каталіцкім Касцёлам”,- сцвярджае ксёндз Лёмбарді.
У
сваю чаргу, на думку Прэзідэнта Папскае рады па садзейнічанні хрысціянскаму адзінству,
канцэрт у Ватыкане адкрыў новае вымярэнне экумэнічных адносін. Пасля дыялогу любові
і праўды прыйшоў час на культурны дыялог,- заўважыў кардынал Вальтэр Каспэр. “Вельмі
часта экумэнічны дыялог вызначаецца як абмен дараў,- сказаў ён,- Гэтым жа дарам быў
менавіта канцэрт, які быў падораны Патрыярхам. Мы мелі магчымасць пазнаёміцца з вельмі
багатаю рускаю культураю. Мне здаецца, што гэты дыялог культур у цяперашні час з”яўляецца
вельмі важным і актуальным. Мы ведаем, што балючы тысячагадовы падзел хрысціянскага
Усходу і Захаду, не вынікаў толькі з тэалагічных розніц, ці з самых палітычных канфліктаў.
Падзел быў спрычынены, у асноўным, доўгатрывалым падзелам культур, што сёння мы павінны
пераадолець. Пераадолець цераз ўзаемнае ўзбагачэнне. Такім чынам, мы сведчым аб
багацці еўрапескае культуры і яе хрысціянскіх каранях,- сказаў кардынал Каспэр.