Pekin: Dialogu me Iranin është më mirë se përplasja.
(25.5.2010 RV)“Ka ende hapësirë për dialog me Teheranin për problemin bërthamor”.
Kështu u shpreh ministri i jashtëm kinez Zhang Ju në lidhje me këtë çështje. Megjithëse
Kina i hapi rrugën sanksioneve të reja kundër Iranit prapseprap ngulmon për bisedime
të reja me republikën islamike. “Diskutimi në Këshill të Sigurisë i çështjes bërthamore
iraniane nuk do të thotë se manovrat diplomatike kanë marrë fund.” – deklaroi ministri
i jashtëm i Kinës. Javën që shkoi sekretarja e shtetit Hilari Klinton, lajmëroi
se SHBA, Kina dhe Rusia, - tri vende me të drejtë vetoje në Këshillin e Sigurisë,
- kishin arritur një marrëveshje për sanksione të reja kundër Iranit që do të miratohen
brenda gjysmës së qershorit.