Krezmohen 70 të rinj të Kishës së Shën Nikollit në Vau-Dejës, dioqezë të Sapës
(25.5.2010 RV)Në solemnitetin e Rrëshajëve, kremtuar të dielën e kaluar, në
Kishën e Shën Nikollit në Vaun-Dejës në dioqezën e Sapës, 70 të rinj morën Sakramentin
e Krezmimit nga ipeshkvi vendas imzot Lucjan Avgustini, i cili kryesoi edhe kremtimin
Eukaristik. Mbarështimi i Sakramentit të Krezmimit, për të rinjtë shënon
një pikarritje të rëndësishme shpirtërore, është një rritje e brendshme në dritën
e fesë me vlerë për tërë jetën. Të përforcuar në fenë e Krishtit të Gjallë e nën udhëheqjen
e Shpirtit Shenjt, të rinjtë e Krezmuar e kuptojnë edhe misionin e tyre që kanë në
familje e përgjithësisht në shoqëri, duke mos harruar se atë çka është shpirti për
trup, janë të krishterët në botë. Po t’i kthehemi festës së dyfishtë që
kremtoi bashkësia kishtare e Shën Nikollit e të ndjekim shërbimin e përgatitur për
ne Violeta Marashi pikërisht nga Vau-Dejës.....