FMN: Spanja “reforma të thella dhe me rreze të gjerë”.
(25.05.2010 RV)Spanja duhet të miratojë “disa reforma të thella dhe me rreze
të gjerë”. Kështu u shpreh Fondi Monetar Ndërkombëtar për krizën financiare që pas
Greqisë, ka shumë mundësi të trondisë edhe Spanjën. Qeveria e Xapateros lajmëroi se
buxheti i shtetit do të reduktohet me 15 miliardë euro në vitin 2010-2011, duke përfshirë
këtu edhe zbritjen e rrogave të nëpunësve të administratës.