У суботу 22-га мая Папа сустрэўся з экумэнічнымі дэлегацыямі Балгарыі і Македоніі
“Евангелле не паслабляе культурныя традыцыі, насколькі знаходзіцца ў іх у сапраўдны
спосаб. Але наадварод, дазваляе ўбачыць сапраўднае дабро і ажыццяўляць яго як у
жыцці адзінак так і суполак”,- гаварыў аб гэтым Папа сустракаючыся з балгарскай дзяржаўна-касцельнай
дэлегацыяй, якая штогод прыбывае ў Рым на ўрачыстасці Святых Кірыла і Мятода. Згодна
з Юліянскім календаром гэтае свята адзначаецца 24-га мая, а галоўным цэнтрам пакланення
ёсць рымская базыліка Святога Клемэнса, дзе пахаваны Святы Кірыл. На чале дэлегацыі
стаяў прэм”ер-міністр Бойко Борысов. У прамове да балгараў Бэнэдыкт 16 нагадаў, што
місія Салунскіх братоў на трывала ўпісалася ў гісторыю Балгарыі, ўмацоўваючы самабытнасць
і культуру народу дзякуючы хрысціянскай веры, якая і сёння адыгрывае важную ролю. “На
шляху да поўнае інтэграцыі з іншымі еўрапейскімі краінамі Балгарыя паклікана да падтрымліваня
і сведчання аб тых хрысціянскіх каранях, якія сягаюць навучання Святых Кірыла і Мятода
і якія таксама сёння актуальныя і неабходныя,- сказаў Папа,- Балгарыя паклікана да
вернасці і турботы за гэтую каштоўную спадчыну, якая абьядноўвае як праваслаўных так
і католікаў, якія падзяляюць гэтую самую апостальскую веру і аб”яднаныя ў супольным
хросце. Як хрысціяне, мы абавязаныя захаваць і ўмацаваць ўнутраныя сувязі, што існуюць
паміж Евангеллем і нашай культурнай ідэнтычнасцю. Як вучні Пана мы пакліканыя, каб
ва ўзаемнай павазе розных касцельных традыцый даваць супольнае сведчанне нашае веры
ў Езуса, ў імя Якога мы атрымліваем збаўленне”,- сказаў Бэнэдыкт 16. Святы Айцец
заахвоціў балгараў да падубовы грамадства, заснаванага на справядлівасці і міры.
Падобныя пажаданні перадаў дэлегацыі з Македоніі, якая з той самай нагоды прыбыла
ў Рым . Бэнэдыкт 16 нагадаў пры гэтым, што руплівасць і паспяховасць дзеяння Нябесных
Апякуноў Еўропы залежыць не столькі ад спрыяльных абставінаў, але ад іх адкрыцця
ў звышнатуральнай любові на дары Святога Духа.