Përgatitjet për vizitën e Papës Benediktit XVI në Britani të Madhe
(20.5.2010 RV)Vazhdojnë me ritëm të shpejt përgatitjet për vizitën e Papës
Benediktit XVI në Britani të Madhe në program në shtatorin e ardhshëm. Këtyre ditëve
ka përfunduar përpilimi i Mesharit të vizitës papnore dhe Komiteti organizues dëshiron
ta vë në diskonim të gjithë atyre që duan të ndjekin këtë ngjarje historike. “Duam
të bëjmë në mënyrë që prania e Papës në Mbretërinë e Bashkuar të jetë ngjarje e afërt
dhe e kapshme për një numër sa më të madh të mundshëm njerëzish”, shpjegon koordinuesi
i udhëtimit, imzot Andrew Summersigll. “Prandaj jemi duke trajtuar me tri shtëpi
botuese katolike” për botimin e Mesharit. Qëllimi është t’i mbledhin e bashkojmë të
gjithë rreth Papës në ditët që do të jetë këtu ndër ne”. Data e botimit të Mesharit
nuk është caktuar akoma, mirëpo ideja është që të shpërndahet nëpër bashkësitë kishtare
të famullive të Britanisë së Madhe së paku dy javë para ardhjes së Papës, saktësoi
prelati. Ndërkohë, po studiohen modalitetet për përcjell vizitën e Atit të Shenjtë
Racinger në streaming në internet në faqen web kushtuar pikërisht kësaj vizite historike
(www.thepapalvisit.org.uk/). Benedikti XVI do të jetë në Britani të
Madhe nga data 16 deri më 19 shtator të ardhshëm. Motoja e zgjedhur për këtë udhëtim
të Papës është: “ Zemra i flet zemrës” marr nga një mendim i kardinalit John Henry
Newman, të cilin Papa do të shpall të Lumë në ditën e fundit të vizitës së tij apostolike.