(19.05.2010 RV)Sulm kundër paqeruajtësve danezë, mbrëmë në veri të Kosovës.
Fatmirësisht, akti kundër shtëpisë ku strehohet ekipi mbikqyrës dhe ndërlidhës i trupave
daneze shkaktoi vetëm dëme të lehta materiale. Në shtëpi është gjetur edhe një letër
kërcënuese, sipas së cilës, danezët po mbajnë anën e shqiptarëve. Kujtojmë se veriu
i Kosovës është zona me më tepër serbë dhe se Danimarka bën pjesë në 68 vendet, që
kanë njohur pavarësinë e Prishtinës.