Kryeministri Shqipërisë Berisha pret përfaqësues të Karitasit Evropian e atij Shqiptar
(18.5.2010 RV)Shqipëria tashme është nje vend i stabilizuar dhe i kushton vëmendje
solidaritetit qytetar si dhe bashkëpunimit midis shoqërisë civile, komunitetit me
qeverinë qendrore e vendore, relacione këto tashme janë te garantuara e institucionalizuara
me fonde dhe ligj të veçante, u shpreh sot Kryeministri Berisha. Sipas
Zyrës se Shtypit te Kryeministrisë, Berisha priti sot në një takim miqësor përfaqësues
të Karitas-it Evropian, të cilët janë në Shqipëri për të studiuar bashkëpunimin me
Karitasin e Shqipërisë në kuadër të krijimit të rrjetit të Karitaseve të Evropës Juglindore
për përballjen e emergjencave në këtë rajon. Në takim merrnin pjesë donatorë
dhe përfaqësues të Karitasi-t evropian me përfaqësues gjermanë, rumunë, bullgarë,
kosovarë, belgë dhe turq, të cilët duke falënderuar Kryeministrin për pritjen, shprehën
vlerësimin për kontributin e qeverisë shqiptare në krijimin e një klime mbështetjeje
e bashkëpunimi me Karitas-in shqiptar. Përfaqësuesit e Karitasit Evropian
njoftuan kryeministrin Berisha për organizimin e rrjetit të tyre në rajonin e Ballkanit
dhe për objektivat e kësaj organizate në favor të përballimit të rreziqeve dhe shtresave
në nevojë. "20 vjet të aktivitetit të Karitasit në Shqipëri përbëjnë një ndihmë
të çmuar për popullin shqiptar", u shpreh Kryeministri Berisha, duke cilësuar se
organizata juaj ka qenë përkrah qytetarëve shqiptarë, grupeve shoqërore në nevojë
në të gjitha situatat si dhe në momente fatkeqësish natyrore, sikurse ishte rasti
i përmbytjeve në rrethin e Shkodrës. "Për këtë ju jemi mirënjohës", tha Berisha.
"Qeveria shqiptare e vlerëson si hap të rëndësishëm krijimin e rrjetit evropian për
rajonin tonë dhe këndvështrimin, që ajo synon në menaxhimin e rreziqeve. Kjo iniciativë
do të ketë mbështetjen dhe mirëkuptimin e qeverisë shqiptare. Shqipëria tashmë është
një vend i stabilizuar dhe i kushton vëmendje solidaritetit qytetar, si dhe bashkëpunimit
midis shoqërisë civile, komunitetit me qeverinë qendrore e vendore. Këto relacione
tashmë janë të garantuara e institucionalizuara me fonde dhe ligj të veçantë. Në programin
dhe veprimin e qeverisë shqiptare do të gjeni përherë një partner të gatshëm për bashkëpunim",
përfundoi z. Berisha