Marrëveshje në fushën bërthamore ndërmjet Iranit, Turqisë dhe Brazilit
(17.05.2010 RV)Irani do të transferojë 1.200 kg uranium në Turqi, për të marrë
pastaj 20% të kësaj sasie si lëndë djegëse bërthamore për përdorim civil. Sipas ministrit
të jashtëm iranian, Motaki, kjo është pika kryesore e marrëveshjes, që u nënshkrua
sot paradite në Teheran me Turqinë dhe Brazilin. Në këtë mënyrë, Irani mendon të shmangë
sanksionet e bashkësisë ndërkombëtare, e cila pati kërkuar që regjimi i Ahmadinexhadit
të pasuronte jashtë vendit uraniumin për qëllime civile. Po që tani, Izraeli nuk ka
besim dhe paralajmëron edhe Bashkimin Evropian, i cili pret prononcimin e Agjensisë
ndërkombëtare për Energjinë Atomike, me seli në Vienë.