Manifestim i madh i dashurisë për Papën: koment i kardinalit Bertone.
(17.05.2010 RV)“Së bashku me Papën!”: kështu shkruhej në parullat e mëdha,
që mbartnin dje besimtarët në Sheshin e Shën Pjetrit. Manifestim, në të cilin të krishterët
i shprehën dashurinë e tyre bijnore Atit të Shenjtë – komenton kardinali Tarçizio
Bertone, sekretar i Shtetit të Vatikanit: “Manifestimi, që u mbajt këtu,
në Romë, e shpreh vetvetiu gjithë dashurinë, me të cilën rrethohet Papa. Por shpreh
edhe vullnetin, qëllimet e mira të të krishterëve, të të krishterëve të vërtetë, që
i përkasin forcave të ndryshme kishtare e lëvizjeve të ndryshme – ta rinojnë nga thellësitë
e zemrës Kishën, të bëjnë pendesë për mëkatet, që janë në Kishë e në botë e ta rizgjojnë
impenjimin e tyre të dëshmisë së pastër, të qartë, që përkon plotësisht me Ungjillin
e Krishtit. Më duket se ky është kuptimi më i bukur i këtij manifestimi e i manifestimeve
në Portugali”.