(11.05.2010 RV)Pallati i Belemit, i njohur edhe si “Pallati Cor de Rosa” për
ngjyrën e fasadës, ngrihet mbi një kodër përballë lumit Tago e pranë Kuvendit të Jeronimëve.
Ndërtuar në shekullin XVI, ka qenë rezidencë e mbretërve portugezë deri në datën e
shpalljes së Republikës, në vitin 1911, pas së cilës bëhet rezidencë zyrtare e Presidentit
të Republikës. Pallati ka oborre e kopshte dhe salla shumë të pasura me dekorime si
Salla e Artë, Salla e Perandorisë, Salla e Kaltër e Ambasadorëve. Një krah është i
zënë nga “Muzeu i Presidencës së Republikës”, i hapur për publikun, që mund të shohë
materiale ilustruese të historisë së Pallatit e të vendit. Pranë shkollës së lashtë
të ekuitacionit gjendet “Muzeu i Karrocave” me disa nga makinat më lluksoze të Evropës.