(10.05.2010 RV)Republikë, që nga viti 1910. Në vitet 1974-75 Portugalia u njohu
pavarësinë të gjitha kolonive të saj afrikane (Guinea Bisau, Kepi i Gjelbër, Mozambiku
e Angola), si dhe Timorit Lindor (që u bashkua me Indonezinë një herë, e pastaj u
shkëput prej saj, në mesnatën ndërmjet 19 e 20 majit 2002). Kolonia e fundit portugeze
përtej detit, Makao, iu kthye Kinës Popullore më 20 dhjetor 1999. Presidenti i
Republikës, që zgjidhet me votime të përgjithshme, me një mandat prej pesë vjetësh,
emëron kryeministrin, duke pasur parasysh rezultatet zgjedhore. Qeveria duhet të ketë
votbesimin e Asamblesë Kombëtare, apo të parlamentit, që ka 230 deputetë, të zgjedhur
për katër vjet. Kufijtë dhe pozita gjeografike Portugalia kufizohet në
veri e në lindje me Spanjën; në jug e në perëndim laget nga Oqeani Atlantik. Në territorin
portugez bëjnë pjesë ishujt vullkanikë të Azoreve dhe arkipelagu i Madeirës. Vendi
ka klimë të butë. Portugalia është anëtare e Këshillit të Evropës, NATO-s;
OCDE-së (Organizata për Bashkëpunimin Ekonomik dhe Zhvillimin), OKB-së, OSBE-së, BE-së,
e WTO-së (Organizata Botërore e Tregtisë). Kryeqyteti: Lisbona (564.657
banorë); 3. 447.173 në gjithë zonën e banuar (2001). Gjuha: Portugeze Sipërfaqja:
92.152 kmk Popullsia: 10.610.000 banorë, 59 % e të cilëve banojnë në qytete
(2008) Grupet etnike: portugezë 91,9%; brazilianë 1,4%; kinezë 0,9%; të
tjerë 5,8%. Besimi: 88,3% katolikë, 7,8% të besimeve të tjera.Monedha:
Euro (€). PBB (Prodhimi i Brendshëm Brut)/banorë: 22.9997 $ US në vitin
2007.