Масква. Некалькі соцень ветэранаў 2-й Сусветнай вайны з 24 краін свету, сярод якіх
нямала католікаў, прыбылі для ўдзелу ў свяце Перамогі. З Беларусі - 14 героеў барацьбы
з сіламі гітлераўскага зла.
А роўна 15 год таму назад на плошчы святога Пятра ў Рыме да дэлегацыі ветэранаў Савецкай
Арміі з прывітаннем звярнуўся Папа Ян Павел 2. Вось яно: Сябра і наступнік
польскага Папы, Бенедыкт XVI, чалавек, які вырас у Германіі, дык ўсвядоміў усю
небяспеку сляпога падпарадкавання як прынцыпу жыцця. Таму ён ніколі не забываецца
пра асновапалягаючую тэму адказнасці кожнага верніка, кожнага чалавека за лёсы сваіх
народаў і ўсяго чалавецтва, за лёсы вайны і міра. Вось цытата, напрыклад, з ягонага
сёлетняга звароту «Urbi et orbi» ("горадуРыму і свету") на Пасху : "...Я малю Езуса
Хрыста, каб... адбыўся сапраўдны і канчатковы «зыход» народаў са стану вайны і гвалту
ў стан міру і згоды. І хай Уваскрослы Пан нам прыгадвае поўныя суцяшэньня і падтрымкі
словы, сказаныя аднойчы апосталам ў Сыёнской святліцы: «Мір вам!» (Ін 20,21). А вось
радкі з Паслання Папы на Сусветны дзень моладзі 2010 . "У маёй нядаўняй энцыкліцы
аб развіцці чалавека, "Caritas in veritate(Любоў у праўдзе)", я пералічыў некаторыя
сучасныя праблемы, вельмі настойлівыя і важныя для жыцця гэтага свету. Сярод іх: выкарыстанне
рэсурсаў Зямлі і беражлівыя адносіны да экалогіі, справядлівае размеркаванне матэрыяльных
даброў і кантроль за фінансавымі механізмамі, салідарнасьць чалавецтва з беднымі рэгіёнамі,
барацьба з голадам у сьвеце, абарона годнасьці чалавечай працы, служэнне культуры
жыцця, умацаванне міру паміж народамі, міжрэлігійны дыялог, правільнае выкарыстанне
сродкаў сацыяльнай камунікацыі." Гэта як бы праграмныя пункты, кожны з якіх
ёсць заданнем, асабліва для каталіцкай моладзі, не забывацца, што і ў мірныя дні барацьба
са злом у самых розных яго выявах і на розных узроўнях сацыяльнай лесвіцы патрабуе
сілы веры, духоўнай чысціні, вернасці ва ўсіх яе праявах, надзеі, павагі і вялікае
Любові. У тым ліку і да старых - сваіх і чужых!