5 മെയ് 2010 റോമിലെ പ്രശസ്ത യഹൂദാചാര്യന്, ഏലിയോ തോഫായ്ക്ക് ബനഡിക്ട് 16-ാമന്
മാര്പാപ്പ 95-ാം പിറന്നാള് ആശംസകള് നേര്ന്നു. റോമിലെ പുരാതന യഹൂദ ദേവാലയമായ തേംപിയോ
മജ്ജോരെയിലെ മുന്പ്രധാന പുരോഹിതനും ഇറ്റലിയിലെ യഹൂദ സമൂഹത്തിന്റെ ആത്മീയ നേതാവുമായ,
ഏലിയോ തോഫായ്ക്ക് മാര്പാപ്പാ തന്റെ സെക്രട്ടറി മോണ്സീഞ്ഞോര് ജോര്ജ്ജ് ഗാന്സ്വേയുടെ
പക്കല് മെയ് 3-ാം തിയതി കൊടുത്തയച്ച കത്തിലൂടെയാണ് ആശംസകള് നേര്ന്നത്. റോമിലെ
തേംപിയോ മജ്ജോരെയില് യഹൂദ സാംസ്കാരിക ഫൗണ്ടേഷന് മെയ് 3-ാം തിയതി, തിങ്കളാഴ്ച സംഘടിപ്പിച്ച
സ്വീകരണച്ചടങ്ങില് മാര്പാപ്പായുടെ പേരില് മോണ്സീഞ്ഞോര് ഗാന്സ്വേയിന് ആശംസാസന്ദേശം
വായിച്ചു. നന്മയിലൂന്നിനിന്ന ഒരു ദീര്ഘായുസ്സ് അദ്ദേഹത്തിനു നല്കിയ അത്യുന്നതനായ
ദൈവത്തിന് നന്ദിപറഞ്ഞ മാര്പാപ്പ, ക്ലേശകരവും പീഡനങ്ങളുടേതുമായ ഒരു കാലഘട്ടത്തിലൂടെ
ഇറ്റലിയിലെ യഹൂദ സമൂഹത്തെ നയിച്ച റാബായ് ഏലിയോ തോഫാ, കത്തോലിക്കാ-യഹൂദ മതസംവാദ പ്രവര്ത്തനങ്ങളുടെ
പാതകാട്ടിയെണെന്ന് തന്റെ സന്ദേശത്തില് ഏടുത്തു പറഞ്ഞു. കര്ത്താവ് ഇടയനായവന് ഒരു കുറവുമുണ്ടാകില്ല,
ഇരുളഴിഞ്ഞ താഴ്വാരത്തിലൂടെ ചരിച്ചാലും അവന് ഒരനര്ദ്ധവും സംഭവിക്കില്ല, കാരണം ദൈവം അവന്റെകൂടെ
എന്നും ഉണ്ടായിരിക്കും, എന്ന് വിശുദ്ധ ഗ്രന്ഥത്തിലെ 23-ാം സങ്കീര്ത്തനം ഉദ്ധരിച്ചുകൊണ്ട്,
മാര്പാപ്പ ആശംസിച്ചു. 1915-ല് ഇറ്റലിയിലെ ലിവോര്ണോയില് ജനിച്ച ഏലിയോ തോഫാ, 1951
മുതല് 1986-വരെ റോമിലെ തേംപിയോ മജ്ജോരെ സിനഗോഗിന്റെ പ്രധാന പുരോഹിതനായിരുന്നു.
1986-ല് ജോണ് പോള് രണ്ടാമന് പാപ്പായെ അനൗപചാരികമായും ആദ്യമായം തേംപിയോ മജ്ജോരെ യഹൂദപ്പള്ളിയില്
സ്വീകരിച്ചതും റാബായ് ഏലിയോ തോഫായാണ്. 2010 ജനുവരി മാസത്തില് ബനഡിക്ട് 16-ാമന് മാര്പാപ്പയും
റോമിലെ സിനഗോഗ് സന്ദര്ശിക്കുകയുണ്ടായി.