Агульная аўдыенцыя Святога Айца ў сераду 5-га мая

У катахэзе Папа Бэнэдыкт 16 працягваў свае роздумы над заданнямі спалучанымі з сакрамантам святарства. Сёння затрымаўся над асноўным заданнем кожнага святара як слугі асвячальнага дзеяння самога Хрыста.

Выконваючы сакраманты і культ Касцёла з вераю і любоў”ю святар сам найперш асвячаецца і нясе другім Ласку святасці. Асвячэнне хрысціяніна, занурэнне ў пасхальную паямніцу смерці і ўваскрасення Хрыста, ажыццяўляецца ў хросце, ўмацоўваецца ў сакрамантах мірапамазання і прымірэння і ёсць ажыўлянае Эўхарыстыяю,- тым сакрамантам, які будуе Касцёл, як Божы Народ, Цела Хрыста і Святыню Духа Святога.
У апошніх дзесяцігоддзях, -сказаў далей Папа ў сваёй сённяшняй катахэзе,- з”явіліся тэндэнцыі, каб у місіі святара сакрамантальны памер перавышала прапаведванне. Аднак жыццё самога Хрыста паказвае, што абвяшчанне Божага Каралеўства вядзецца не толькі моваю, але ахоплівае таксама дзеянне, знакі, цуды і сакраманты. Дзеля гэтага,- сказаў на заканчэнне сваёй катахэзы Святы Айцец,- кожны святар павінен памятаць, што прапаведванне Евангелля не можа быць адарваным ад ажыццяўляння Сакрмантаў, якія, дзякуючы дзеянню самога Хрыста, з”яўляюцца пасхальнымі знакамі асвячаючай Ласкі.