Папа Бэнэдыкт 16 знаходзіцца з апостальскім візітам у італьянскім горадзе Турын: Святая
Імша
У часе Святой Імшы Папа сказаў, што ў мінулых стагоддзях Касцёл у Турыне спазнаў багатыя
традыцыі святасці і шчордрае служэнне іншым, дзякуючы дбайнай працы святароў, законнікаў,
законніц. Пан нам паабяцаў быць прысутным у нашым жыцці, даючы нам гэтую шчодрую
любоў, якая можа перамагчы усе перашкоды. Жадаю выказаць
словы заахвочання, асабліва святарам і дыяканам гэтага турынскага Касцёла, якія шчодра
прысвячаюцца пастырскай працы, як таксама законнікам і законніцам. Часам, каб быць
працаўніком Вінаградніка Пана можа быць цяжка, абавязкі ўзрастаюць, патрэбаў шмат,
праблемаў многа. Але ўмейце чэрпаць з любоўных адносінаў з Богам у малітве сілы
несці вернікам прарочую вестку збаўлення. “ Жыццё хрысціяніна,- сказаў далей Бэнэдыкт
16.- нялёгкае. Ведаю, што таксама ў Турыне ёсць вялікія цяжкасці, праблемы, трывогі:
думаю, ў прыватнасці аб тых, што жывуць ва ўмовах няўпэўненасці, з прычыны недахопу
працы; з неспакоем глядзяць у будучыню; пакутуюць фізычна і маральна. Думаю аб сем”ях,-
зноў сказаў Папа у сваім казанні ў часе Святой Імшы,- аб моладзі, аб пажылых людзях,
якія часта жывуць у самотнасці; аб абяздоленых ды эмігрантах. Так, жыццё прыводзіць
нас змагацца з многімі цяжкасцямі, з многімі праблемамі, але менавіта ўпэўненасць,
што зыходзіць ад веры, ўпэўненасць, што мы не адзінокія, што Бог любіць усіх, без
адрознення і ёсць блізка кожнага з нас сваёю Любоў”ю, якая робіць магчымым змагацца,
жыць і пераадольваць паўсядзённыя праблемы. Уваскрослы мае сілу любові, якая пераўзыходзіць
усе межы, не спыняецца перад ніякай перашкодай. І хрысціянская супольнасць павінна
адыгрываць важную ролю ў дасягненні гэтай любові да Бога. “Я настойліва
заклікаю сем”і жыць хрысціянкім памерам любові ў простым паўсядзённым жыцці, ў сямейных
адносінах перамагаючы падзелы і непаразуменні; ў збераганні веры, што робіць супольнасць
яшчэ больш мацнейшаю. Усім, асабліва моладзі, жадаю сказаць, каб ніколі не губляла
надзеі, той, якая прыходзіць ад Уваскрослага Хрыста, з перамогі Бога над грахом і
смерцю”,- сказаў Святы Айцец на заканчэнне свайго казання.