Benedikti XVI në Torino, me rastin ekspozimit të Sindonës.
(02.05.2010 RV)Sot, në orën 8. 00, Ati i Shenjtë u nis me helikopter nga Vatikani
për në aeroportin e Çampinos e, që aty, me avion, në aeroportin Torino-Kazele. Papa
arriti në aeroportin Torino-Kazele rreth orës 9.15. Për ta pritur kishin dalë
kardinali Severino Poleto, kryeipeshkëv i Torinos; doktor Xhani Leta, zevendës-sekretar
i Kryesisë së Këshillit të Ministrave, përfaqësues i qeverisë italiane, autoritete
të tjera shtetërore, diplomatike e kishtare dhe mijëra besimtarë, që kishin mbushur
përplot Sheshin e Shën Karlit dhe të dyja anët e rrugës, ku u përshkua Benedikti XVI. Nga
aeroporti, Papa shkoi menjëherë në Sheshin e Shën Karlit ku, në orën 9.45, u takua
me banorët, për të kremtuar, po këtu, Meshën Shenjte. Më pas, dhe lutjen e Mbretëreshës
Qiellore. Në përfundim të Meshës, dreka me ipeshkvijtë në Selinë e Kryeipeshkvnisë.
Pasdite, në orën 16. 30, takimi i shumëpritur me të rinjtë dhe fjalimi i Papës.
Pas takimit, vizita në Katedrale dhe meditimi para Sindonës Në orën 18. 15
– vizita në Shtëpinë e Vogël të Provanisë Hyjnore-Kotolengo. Më pas, në Kishën e Kotolengos,
takimi me të sëmurët dhe fjalimi i rastit. Në orën 19.30 rikthimi në areoportin
Torino-Kazele e, më pas, në Vatikan, ku pritet të arrijë rreth orës 20. 45.