Koncert në Vatikan në pesëvjetorin e papnisë së Benediktit XVI
(29.04.2010 RV)Sot pasdite, në Sallën Pali VI në Vatikan, me rastin e pesëvjetorit
të zgjedhjes së Benediktit XVI në fronin e Shën Pjetrit, u dha një koncert simfonik,
ofruar nga presidenti i Italisë, Xhorxho Napolitano. Koncerti përkoi me festën e shën
Katerinës së Sienës, bashkëpajtore e Evropës dhe e Italisë. Me dirigjent Nikola Paskovskin,
Orkestra Rinore Italiane e Fiezoles ekzekutoi Simfoninë në Re maxhore të Samartinit,
të ashtuquajturën Simfonia “e Pragës” e Mozartit dhe Simfoninë n.4 të Beethovenit.
Gjysëm ore para koncertit, Papa dhe kreu i shtetit italian patën një bisedë të përzemërt
në një studio të Sallës Pali VI në Vatikan.