Кіраўнік каталіцкай царквы Кубы кардынал Хайме Артэга заявіў, што Куба перажывае самы
сур'ёзны крызіс з пачатку стагоддзя.
У інтэрв'ю часопісу Palabra Nueva 73-гадовы k.Артэга сказаў, што грамадзяне ўжо адкрыта
крытыкуюць сацыялізм, параўноўваючы яго са сталінскім рэжымам. Незадаволенасьць людзей
выклікае, па словах прэлатa, бюракратыя, вынікамі чаго стаецца апатыя сярод работнікаў
і нізкая прадукцыйнасць працы. "Наша краіна знаходзіцца ў вельмі складаным становішчы.
Цяперашняя сітуацыя - самая складаная з пачатку XXI стагоддзя ", - сказаў k. Артэга,
прыклікаўшы ўлады Кубы вызваліць з турмаў усіх палітычных зняволеных. Ён адзначыў,
што думкі аб шляху Кубы разыходзяцца, але агульны назоўнік для ўсіх грамадзян - гэта
ўсведамленне неабходнасці пераменаў. "Гэта пачуццё стала свайго роду нацыянальным
кансенсусам. Адтэрміноўка прыняцця рашэнняў выклікае ў грамадстве незадаволенасць
", - лічыць кардынал. Ён заклікаў Гавану сур'ёзна паставіцца да наладжвання стасункаў
з Вашынгтонам. У той жа час Артэга раскрытыкаваў прэзідэнта ЗША Барака Абаму за паўтор
у адносінах з Кубай прыёмаў мінулых амерыканскіх урадаў.Кардынал заявіў, што Абама
выкарыстоўвае тую ж схему, што й папярэднікі, кажучы аб магчымасці адмены гандлёвага
эмбарга толькі пасля рэформаў на Кубе.